Истражувањата на Универзитетот во Торонто сугерираат дека силната светлина може да ги интензивира нашите чувства, како позитивни така и негативни, и сугерира дека намалувањето на светлината може да ни помогне да донесеме повеќе рационални одлуки. Сината светлина нè прави повеќе будни, што го прави добар избор за домашни студија, но треба да се избегне во спалната соба каде што може да го потисне производството на мелатонин и да не спречи да  заспиеме.

Повеќето луѓе можат да ја потврдат теоријата дека преполниот простор ги зголемува стресот и вознемиреноста. Истражувањата го поддржуваат ова, сугерирајќи дека стекнувањето на повеќе материјални добра, нужно не е пат кон среќата. Како одговор на тоа, многу луѓе го прифаќаат минималистичкиот пристап во уредувањето на своите домови, по методот на организација на Мари Кондо - KonMari, и избираат помалку мебел и детали за да создадат смирувачки простор за живеење. Еден од врвните авторитети на минимализмот, архитектот Џон Паусон, со децении ја следи оваа филозофија, но верува дека тоа е враќање на традицијата, а не нешто радикално. "Тоа е нешто што е тука секогаш", изјави тој за The Guardian. "Луѓето отсекогаш одле понатаму и понатаму во пустината за да избегаат". Но, денес минимализмот не мора да значи чисти линии и отсуство на декорација. Како што објаснува Кети Трегеден, "Новиот минимализам е за мал избор внимателно курирани, значајни предмети".